Tirana International Film Festival, java magjike e kinemasë në kryeqytet

KOMENTE

SHPERNDAJE
ARTIKULLIN

Text sizeAa Aa

Tirana International Film Festival (TIFF) ka hapur dyert në Tiranë në edicionin e 19-të.

TIFF, festivali i parë ndërkombëtar i filmit dhe i vetmi i këtij lloji në Shqipëri, është themeluar në vitin 2003 dhe përbën një nga ngjarjet më të rëndësishme kinematografike në Ballkan.

Themeluesi dhe njëkohësisht drejtori i TIFF, Agron Domi, tha se këtë vit ka pasur rreth 40% më shumë pjesëmarrje në krahasim me vitet e kaluara.

“Seleksionuam mes rreth 3000 filmash, ishte e pamundur ta imagjinonim sepse vinim nga një periudhë izolimi. Regjisorët kishin gjetur mundësi, frymëzim për të bërë filma. Në qershor ishte 40% më shumë se në vitet normale. Kjo më dha një shtysë që ky edicionin do të bëhet”, u shpreh Agron Domi.

Këtë vit, 118 vende nga e gjithë bota po konkurrojnë në festivalin e filmit përpara një jurie profesionale që është prezente në Tiranë. Përveç filmave “premierë” që janë në kompeticion për çmime dhe që do të shfaqen në ambientet e brendshme të kinema Millennium, do të shfaqen edhe filma në ambientet e jashtme si edhe online.

Një nga programet më interesante të këtij edicioni është Un-Dogmatic, kryevepra nga kinemaja daneze të regjisorëve Lars von Trier dhe Thomas Vinterberg, që do të shfaqën në ambientet e jashtme të kinema Millenium.

Gjithashtu, gjatë festivalit do të ketë edhe forume dhe diskutime rreth filmave në prani të regjisorëve, aktorëve dhe organizatorëve të festivalit.

Festivali i filmit ka nisur më 24 shtator dhe do të shfaqë filma çdo ditë, nga ora 10 e mëngjesit, deri në orën 23:00 deri në datën 30 shtator, te Kinema Millennium.

Etiketimet

Erdogan tërhiqet nga paralajmërimi për dëbimin e ambasadorëve

Presidenti turk Recep Tayyip Erdogan deklaroi të hënën se ambasadorët të cilët kishte paralajmëruar se do t’i dëbonte kishin bërë një hap pas dhe...

BDI e kriminalizuar, duhet larguar nga çdo pushtet, thotë kryebashkiaku i Gostivarit

Bashkimi Demokratik për Integrim është i kriminalizuar dhe duhet larguar nga çdo pushtet, sipas Sekretarit të Përgjithshëm të Partisë Aleanca për Shqiptarët. Arben Taravari, njëherazi...

Vetingu i politikanëve, Basha: Të largojmë të korruptuarit. Balla: Do e shqyrtojmë sipas Venecias

Nga foltorja e Kuvendit, kreu i Partisë Demokratike, Lulzim Basha i cilësoi 3 amendamentet për reformën zgjedhore, atë territoriale dhe vetingun e politikanëve si 3 prioritete absolute...

Regjistrohu për të marrë NEWSLETTER