Eurobondi prej 500 mln euro mund të vonojë, dështon gjetja e konsulentit

KOMENTE

SHPERNDAJE
ARTIKULLIN

Text sizeAa Aa

Qeveria ka deklaruar zyrtarisht se do të kërkojë 500 milionë euro borxh në tregjet e kapitalit.

Kjo është hera e pestë, që vendi synon të emetojë Eurobond. Në procedurë, pjesë e planit deri në marrjen e borxhit, është gjetja e një konsulenti, të cilit Ministria e Financave i kishte caktuar datën 12 korrik si afatin e fundit për të pritur propozime.

Euronews Albania mëson se në zyrat e saj nuk ka mbërritur ndonjë ofertë konkrete, edhe pse ministria synon ta sigurojë borxhin brenda muajit tetor.

Por, dështimi në gjetjen e një konsulenti, mund të shtyjë këtë proces përtej vjeshtës, aq më tepër që ky i fundit duhet të kalojë në procedura tenderuese. Vetë ministria po intensifikon përpjekjet për të realizuar qëllimin.

Në një dokument të ri, ajo kërkon deri në 26 korrik propozime për rolin e “joint lead manager”, rol ky që i referohet menaxherit të borxhit, i cili në bashkëpunim me bankat e investimeve ul risqet. Nëpërmjet kësaj kërkese, afati i maturimit synohet mes 7 dhe 10 viteve.

Objektivin për të marrë 500 milionë euro, qeveria e shpalli në rishikimin e fundit që i bëri buxhetit, me sqarimin e vakët se, është i nevojshëm për të mbuluar nevojat për financim të buxhetit të shtetit dhe për të shlyer eurobondin paraardhës.

Shqipëria ka dalë 4 herë në tregjet e kapitalit, që nga viti 2010 kur mori borxh me normë interesi 7.5 % deri në vitin 2020 kur mori 650 milionë euro me interes 3.5 %.

Etiketimet

Përfundon misioni ‘Inspiration 4’, rikthehet nga hapësira ekuipazhi i parë i civilëve

Ekuipazhi me civilë i “SpaceX” është rikthyer me sukses në Tokë pas tre ditëve udhëtim në hapësirë. Ekipi i “Inspiration 4” u ul në ujërat...

Rusët zgjedhin sërish Putin, kritika për votim të detyruar dhe mbushje të kutive të votimit

Partia në pushtet ‘Rusia e Bashkuar’ ka festuar fitoren në zgjedhjet parlamentare. “Sot,  përfunduan zgjedhjet për parlamentin. Zgjedhje shumë të rëndësishme që do të përcaktojnë...

Gjermania drejt zgjedhjeve, tre kandidatët për kancelarë përballen në debatin e fundit televiziv

Përpara zgjedhjeve të 26 shtatorit, tre kandidatët që synojnë të pasojnë kancelaren Angela Merkel u përballën në debatin e tretë dhe të fundit televiziv....

Regjistrohu për të marrë NEWSLETTER