Qeveria po fsheh borxhin për të shtyrë krizën financiare, thotë ish-ministri

KOMENTE

SHPERNDAJE
ARTIKULLIN

Text sizeAa Aa

Eksperti i ekonomisë, Arben Malaj tha për Euronews Albania se është e pafalshme që qeveria po lejon grumbullimin e borxhit të fshehur nga institucionet shtetërore.

Malaj, i bëri thirrje qeverisë dhe Ministrisë së Financave të ndërhyjë menjëherë për mospagesat e borxhit, pasi kjo llogaritet si borxh i fshehur dhe vret ekonominë.

Sipas tij, përmes borxhit të fshehur qeveria po kërkon të shtyjë krizën por kjo vetëm sjell thellimin e saj dhe rëndon mbi financat publike dhe taksapaguesit.

Duhet që ministria të ndërhyjë për të vendosur një sistem prioritar pagesash për institucionet publike duke eliminuar shpenzimet e panevojshme për të mundësuar pagesat e borxhit ndaj ndërmarrjeve të tjera apo biznesit privat.

“Nëse nuk merren masa që qeveria menjëherë të vendosë një bllokim të disa shpenzimeve dhe investimeve të panevojshme, atëherë duhet të kuptojmë se ndodhemi në një situatë e cila do ta godasë më rëndë ekonominë, papunësinë, varfërinë dhe stabilitetin e financave publike,” deklaroi Malaj.

“Kjo tregon se qeverisemi në mënyrë joprofesionale, deri diku dhe arrogante, nuk mbahen parasysh eksperiencat pozitive, nuk dëgjohen ekspertët në administratë, gjithçka vendoset nga lart dhe ne qeverisemi nga ministra kokëtundës që kënaqin kryeministrin më shumë si kokëtundës sesa si përgjegjës për mandatet që kanë kërkuar,” shtoi eksperti.

Malaj u shpreh gjithashtu se ekspertët janë të shqetësuar se “qeveria po abuzon me lehtësimin e rritjes së borxhit, kjo materializohet dhe në kërkesën publike të institucioneve ndërkombëtare, sidomos FMN që i ka kërkuar qeverisë shqiptare të fokusohet tek menaxhimi i pasojave pandemisë dhe i pastërmetit, të reduktojë rritjen e borxhit nga projektet e mëdha, Partneritetet Publike Private”.

Sipas tij, PPP-të në Shqipëri janë shpeshherë preferenciale, ku janë të qarta shenjat e korrupsionit.

Etiketimet

‘Grusht shteti brenda partisë’, Bejko dhe Bumçi përplasen për përjashtimin e Berishës

Anëtari i kryesisë dhe i Këshillit Kombëtar të PD-së, Aldo Bumçi dhe Roland Bejko debatuan në Euronews Albania sa i takon ndryshimit të statutit...

‘S’mund të jetojmë dot pa artin’, Ermonela Jaho tregon emocionet në Teatrin e Operas dhe Baletit

Sopranoja me famë botërore, Ermonela Jaho në një intervistë për Euronews Albania u shpreh se gjatë performancës së saj në Teatrin e Operas dhe...

Mot me vranësira gjatë javës, në veri s’do mungojnë reshjet e shiut

Gjatë gjithë ditës së sotme do të kemi prezencë të vranësirave në zonat veriore dhe zonat qendrore, ku nuk do të mungojnë edhe shirat...

Regjistrohu për të marrë NEWSLETTER