Shqipëria zgjidhet anëtare e përkohshme e Këshillit të Sigurimit në OKB

KOMENTE

SHPERNDAJE
ARTIKULLIN

Text sizeAa Aa

Shqipëria është zgjedhur këtë të premte për herë të parë anëtare e përkohshme e Këshillit të Sigurimit në Organizatën e Kombeve të Bashkuara për vitin 2022-2023. Në votim morën pjesë 190 shtete, ndërsa 175 prej tyre u shprehën pro Shqipërisë.

Shqipëria u pranua si vend anëtar i OKB-së në 14 dhjetor 1955, ndërsa Këshilli i Sigurimit përbëhet nga 15 shtete anëtare, ku SHBA, Mbretëria e Bashkuar, Franca, Rusia dhe Kina janë shtete anëtare të përhershme kurse 10 vendet e tjera anëtare janë me një mandat dy vjeçar.

Vendi ynë do të marrë mandatin më 1 janar të vitit 2022. Këshilli i Sigurimit është ndër organet më të rëndësishme të Organizatës së Kombeve të Bashkuara, i cili ka si mision dhe detyrë parësore mirëmbajtjen e paqes dhe sigurisë në mes të kombeve.

Bazuar në këto parime, Këshilli i Sigurimit gëzon të drejtën të dërgojë trupa paqeruajtëse në rajone konfliktuale, madje mund të aplikojë edhe sanksione të forta tregtare.

Ministrja për Evropën dhe Punët e Jashtme të Shqipërisë, Olta Xhaçka pak ditë më parë në intervistë  për gazetaren Ilva Tare në Euronews Albania paralajmëroi se Shqipëria e kishte të garantuar pozicionin pasi është e vetmja kandidate në grupin e vendeve të Evropës Lindore.

“Shqipëria bën pjesë në grupin e Evropës Lindore dhe në këtë pikë është mes konsensusit të gjithë anëtarëve që Shqipëria do të jetë kandidat i vetëm dhe konsensual. Që do të thotë se zgjedhja është e sigurt. Pikërisht jo se i ka ardhur radha por sepse ka pasur një dakordësi dhe një lobim të gjatë që Shqipërisë i takon që të mbështet nga të gjitha vendet e grupit të vet”, deklaroi znj. Xhaçka.

LEXONI GJITHASHTU: 

Etiketimet

Rama: Kemi siguruar mbi 1 milion vaksina kundër COVID-19

Në aeroportin “Nënë Tereza” kanë mbërritur sot 11 700 vaksina kundër COVID-19 të kompanisë Pfizer. Kryeministri Edi Rama shprehet se bashkë me këto doza deri...

Belind Këlliçi në “Raw Politics”: PD-ja do të hapet ndaj figurave të reja

Muajt e verës i gjejnë demokratët në një analizë të thelluar brenda vetes për rezultatin e zgjedhjeve parlamentare të 25 prillit. Deputeti i zgjedhur i Partisë...

Këlliçi: Basha s’garoi i vetëm, drejtuesit politikë dhe kandidatët aksionerë të rezultatit të 25 prillit

Partia Demokratike do të zhvillojë brenda strukturave të saj analizën për rezultatin e arritur në zgjedhjet e 25 prillit. Kandidati i fitues për deputet, Belind...

Regjistrohu për të marrë NEWSLETTER