Qytetarët të mëdyshur për strehimin e afganëve në QS

KOMENTE

SHPERNDAJE
ARTIKULLIN

Text sizeAa Aa

Afganët do të qëndrojnë përkohësisht në “Qytetin Studenti”, pasi më 1 tetor konviktet do të jenë vetëm për studentët.

 “Kjo është një vendqëndrim i tyre provizor dhe ne gjykojmë që do jetë 2-3 javë, derisa kapacitetet akomoduese që do jenë në hotele apo në struktura të tjera të jenë të lira për t’i mikpritur. Kështu që ne gjykojmë që më datën 1 tetor kur të fillojë viti i ri akademik “Qyteti Studenti” do jetë tërësisht i dedikuar vetëm për studentët”, tha Anisa Ruseti, nënkryetare e Bashkisë së Tiranës.

Nga 22 godina të ndodhura në “Qytetin Studenti” me një kapacitet 5000 shtretër, 7 prej tyre me kapacitet 1200 shtretër janë nën dispozicion të zyrtarëve afganë. Aktualisht në konvikte ka 930 studentë.

Por me ardhjen e tyre qytetarët që banojnë pranë këtyre ambienteve thonë se do i kushtëzojnë daljet me fëmijët në këtë zonë për shkak të frikës. Të pasigurt po ndiehem edhe një pjesë e studentëve.

“Të sjellësh 200 afganë këtu mes studentëve nuk më duket e drejtë. Do ndalojmë ato lëvizjet që kishim pasdite, shëtitjet në ajër të pastër, se janë njerëz që nuk i njohim, ne ngurojmë nga njerëzit që nuk i njohim, janë fe tjetër, kanë tradita të tjera”, tha një qytetare. 

Megjithatë për një pjesë tjetër  të qytetarëve ardhja e afganëve në qytet student nuk është shqetësuese.

“Njësoj si ne janë, duan ndihmë dhe mendoj se është detyra njerëzore t’i ndihmojmë”, shprehen ata. 

Për të siguruar mbarëvajtjen e afganëve por edhe komunitetit përreth, në godinat ku do qëndrojnë emigrantët mësohet se do të ketë prezencë të shtuar të forcave policore.

LEXONI GJITHASHTU:

Etiketimet

Ulen tensionet Paris-Uashington, Franca rikthen ambasadorin

Presidenti i Francës, Emmanuel Macron do të rikthejë javën e ardhshme ambasadorin francez në Shtetet e Bashkuara. Vendimi u mor pas një bisede telefonike të...

Reciprociteti për targat serbe, profesori: Dy mesazhet që Kosova i përcolli Brukselit

Aplikimi i reciprocitetit të Kosovës për targat e automjeteve serbe ka prodhuar debate mes Prishtinës dhe Beogradit si dhe ka nxitur reagime nga Brukseli. Blerim...

Çollaku: Rama e ka masakruar Kosovën. Vodo: Ka promovuar interesat e Shqipërisë

Deputeti i Partisë Demokratike, Kreshnik Çollaku dhe ekspertja e gjeopolitikës, Teuta Vodo janë përplasur mbi idenë e “Open Balkan”. Sipas Çollakut, Rama e ka dëmtuar...

Regjistrohu për të marrë NEWSLETTER