Kryeministri I Kosovës, Albin Kurti ka njoftuar presidentin e SHBA-së, Donald Trump dhe Sekretarin amerikan të Shtetit, Mike Pompeo lidhur me hapat e planifikuara për heqjen e taksës ndaj mallrave serbe dhe boshnjake, ku përmes letrave të dërguara ka përsëritur planin për heqje të pjesshme të takës.

Në letrat dërguar nga Kurti, ai përsëritë planin që fillimisht të ketë heqje të pjesshme të taksës 100%, duke ritheksuar se kjo bëhet si shprehje e gjestit të mirë diplomatik.

Ndërsa lidhur me dialogun me Serbinë, Kurti ka theksuar se ka mandatin kushtetues që të udhëheqë me këtë proces. Ai I referohet mungesës të koordinimit ndërmjet përfaqësuesve të Kosovës, për siç thotë “rolin, interesin dhe qëllimet në dialogun me Serbinë, si dhe për mungesën e qartësisë se kush flet në emër të Kosovës në skenën ndërkombëtare dhe në tavolinën negociuese”.