Albpetrol ka hapur ankand për shitjen e 120 mijë ton naftë bruto. Ofertat e kompanive që do të shprehin interes hapen më 10 maj.
Ky është ankandi i parë që kompania publike e prodhimit të naftës ka shpallur që prej rritjes rekord të çmimeve të karburanteve në tregjet ndërkombëtare.
Formula e shitjes së naftës është 75.33% e vlerës së një fuçie në bursa. Me çmimet e sotme, nëse ankandi do të rezultojë i suksesshëm, Albpetrol mund të fitojë 70 milion euro.
Kompania shtetërore e naftës ka dështuar në një ankand të fundit që hapi në dhjetor, ndërsa në maj përfundon kontrata e furnizimit që ka me një kompani vendase.
Aktualisht gjendja në depozitat e saj është 35 mijë ton naftë , ndërsa kontrata kërkon gjetjen e një blerësi për ta furnizuar për 1 vit.
Albpetrol gjendet në vështirësi financiare, ndërsa ankandet për shitjen e naftës nuk kanë rezultuar gjithmonë të suksesshme.
LEXONI GJITHASHTU
