Koreja e Jugut, India, Shtetet e Bashkuara, Japonia dhe Bashkimi Evropian kanë bashkuar forcat për të lançuar një aleancë që do të përpiqet të ndërtojë një zinxhir furnizimi të qëndrueshëm në sektorin biofarmaceutik, njoftoi zyra presidenciale e Koresë së Jugut në Seul.

Pjesëmarrësit theksuan rëndësinë e një zinxhiri furnizimi të besueshëm dhe të qëndrueshëm dhe ranë dakord të koordinojnë politikat e vendeve përkatëse, rregulloret dhe masat mbështetëse për kërkimin dhe zhvillimin.

Ata pranuan se prodhimi i lëndëve të para dhe përbërësve thelbësorë është i përqendruar në disa vende dhe u pajtuan të punojnë së bashku për të ndërtuar një hartë të detajuar të zinxhirit të furnizimit farmaceutik.

Aleanca u lançua si përgjigje ndaj mungesave të furnizimit me ilaçe të përjetuara gjatë pandemisë COVID-19.

LEXO GJITHASHTU:

• Mjeku: 9-12 herë mund të preken fëmijët nga virozat gjatë vitit
• Dita kundër Duhanit, sa e pinë shqiptarët dhe sëmundjet që rrezikojnë…