Shtetet e Bashkuara të Amerikës kanë dhënë një grant prej 4.9 milionë euro për t’i ardhur në ndihmë Shqipërisë në procesin e rindërtimit as tërmetit të fortë të 26 nëntorit që shkaktoi 51 viktima dhe mijëra të tjerë humbën banesat.
Një pjesë e grantit të SHBA pritet të shkojë për riparimin e dëmeve që janë shkaktuar në objekte historike që ndodhen në Krujë, Durrës dhe Tiranë.
Met w/Culture Minister @ElvaMargariti to confirm US will spend $800,000 to repair earthquake damage to #Krujë Castle, as well as historic sites in Durrës & Preze. We stand w/#Albania always pic.twitter.com/03K9ykNrM5
— Ambassador Yuri Kim (@USAmbAlbania) March 5, 2020
Një prej tyre është Kalaja e Krujës, ku sot ambasadorja, Yuri Kim gjatë një takimi me ministren e Kulturës, Elva Margariti, konfirmoi se SHBA do të shpenzojë 800 mijë dollarë për riparimin e dëmeve të shkaktuara nga tërmeti.
Përveç Kalasë së Krujës që mbetet një prej objekteve më të vizituara nga turistët e huaj dhe vendas, fondi i SHBA do të shkojë dhe për riparimin e dëmeve në vendet historike në Durrës dhe Prezë.
