Panamaja ka mohuar të ketë bërë ndryshime për të lejuar anijet e qeverisë amerikane të kalojnë falas në Kanalin e Panamasë, pas pretendimeve të Shtëpisë së Bardhë se kishte rënë dakord për një veprim të tillë.
Departamenti i Shtetit tha në një deklaratë në X se anijet e tij qeveritare “tani mund të kalojnë transit në Kanalin e Panamasë pa tarifa, duke i kursyer qeverisë amerikane miliona dollarë në vit”.
Duke iu përgjigjur komenteve, Autoriteti i Kanalit të Panamasë (ACP) tha se ishte “i autorizuar të vendoste TARIFA kalimin tranzit në kanal”, duke shtuar se “nuk kishte bërë asnjë rregullim për to”.
Presidenti i SHBA Donald Trump ka shprehur vazhdimisht dëshirën e tij për të rimarrë kontrollin e rrugës ujore, e cila është kyçe për tregtinë globale.
Kanali i Panamasë, 51 milje (82 km) i gjatë, përshkon kombin e Amerikës Qendrore dhe është lidhja kryesore midis oqeanit Atlantik dhe Paqësor.
Sekretari i Shtetit Marco Rubio, i cili ka qenë për një vizitë në vendet e Amerikës Latine këtë javë, kërkoi që Panama të bëjë “ndryshime të menjëhershme” në atë që ai e quan “ndikimi dhe kontrolli” i Kinës mbi kanalin.
Kryediplomati amerikan tha se Panamaja duhej të vepronte, ose SHBA do të merrte masat e nevojshme për të mbrojtur të drejtat e saj sipas një traktati midis dy vendeve.
Gjatë një vizite në vend, Rubio u takua me Presidentin e Panamasë José Raúl Mulino, si dhe administratorin e kanalit, Ricaurte Vásquez Morales.
ACP tha pas vizitës së tij se kishte përcjellë synimin e saj për të punuar me marinën amerikane për të optimizuar përparësinë e tranzitit për anijet e saj përmes kanalit.
A e kontrollon Kina Kanalin e Panamasë, siç thotë Trump?
Anijet amerikane përbëjnë një pjesë të konsiderueshme të trafikut në kanal. Sipas autoriteteve të kanalit, në vitin 2024, 52% e kalimeve përmes rrugës ujore kishin portet e origjinës ose destinacionin final në Shtetet e Bashkuara.
Deri në 14,000 anije përdorin kanalin çdo vit për të shmangur një udhëtim të gjatë dhe të kushtueshëm poshtë Amerikës së Jugut.
Në fjalimin e tij inaugurues, Presidenti Trump tha se kishte në plan të “marrë përsëri” kanalin, duke pretenduar se Kina po e kontrollonte atë dhe Panamaja kishte “thyer” një premtim për të qëndruar neutral.
Plani u hodh poshtë me forcë nga Mulino, i cili tha se rruga kryesore tregtare “është dhe do të mbetet” në duar të vendit të tij.
SHBA e ndërtoi kanalin në fillim të shekullit të 20-të, por, pas vitesh protestash, presidenti Jimmy Carter nënshkroi një traktat me Panamanë në vitin 1977 për të rikthyer gradualisht kontrollin e rrugës ujore, të cilën Trump e ka quajtur “një gabim i madh”.
LEXONI GJITHASHTU:
- Trump nuk tërhiqet nga zhvendosja e palestinezëve nga Gaza: U duhet një tokë tjetër
- Presidenti Trump: SHBA dëshiron të marrë kontrollin e Gazës
