Burime nga grupi hetimor bëjnë me dije se kushëriri i Arjan Tases kishte një pikë ku jepte skafe me qira në bregdetin e Himarës.

Ka dyshime që në këtë aktivitet të jetë i përfshirë edhe ish-efektivi Tase. Edhe pse ai ka deklaruar se skafi nuk është i tij, po hetohet nëse ai ka lidhje apo jo me to.

Sipas dëshmive të personave të pyetur, Tase ka bërë manovrime të rrezikshme në det dhe në momentin që është afruar pranë vijës bregdetare, zonë e mbushur me pushues e fëmijë që laheshin, ai është përpjekur të ulë shpejtësinë dhe ka tentuar të ecë mbrapsht me indietro.

Ky ka qenë momenti fatal ku helikat e skafit kanë goditur vogëlushen dhe për pasojë i sollën edhe vdekjen.

Pavarësisht interesimit të Euronews Albania në polici dhe prokurori nuk na është thënë në pronësi të kujt ishte mjeti lundrues.

LEXONI GJITHASHTU:

• Si i shpëtoi drejtësisë Tase, u hetua për lejimin e mbjelljes së kanabisit
• Tragjedia në Himarë, Fevziu: Mjetet motorike që sekuestron policia i liron gjykata