Policia e Tiranës ka arrestuar dy vëllezër në fshatin Laknas, të cilët dyshohet se kishin përshtatur banesën e tyre për kultivimin e bimëve narkotike. Gjatë kontrollit, u sekuestruan 20 bimë narkotike kanabis, një sasi me lëndë narkotike kanabis të përpunuar, si dhe pajisje të specializuara për ndriçim dhe ventilim.

Gjatë aksionit, u arrestuan Shkëlqim Matraxhi 38 vjeç dhe Fatmir Matraxhi 28 vjeç, të cilët ishin përgjegjës për kultivimin e bimëve në banesë. Po ashtu, babai i tyre, shtetasi me iniciale Z. M., 66 vjeç, u procedua në gjendje të lirë për moskallëzim, pasi dyshohet se kishte dijeni për veprimtarinë e paligjshme.

Në vijim të hetimeve, u arrestua gjithashtu punonjësi i OSHEE-së, Endrit Paja 29 vjeç, për shpërdorim detyre, pasi dyshohet se kishte favorizuar veprimtarinë kriminale duke mos evidentuar lidhjen e paligjshme të energjisë elektrike.

Materialet procedurale janë dërguar në Prokurorinë pranë Gjykatës së Shkallës së Parë të Juridiksionit të Përgjithshëm në Tiranë për veprime të mëtejshme.

LEXONI GJITHASHTU:

• Astronautët e NASA-s kthehen në Tokë pas nëntë muajsh në hapësirë
• Trump: Konflikti në Ukrainë mund të çojë në Luftën e Tretë Botërore