English

Arrestohet ambasadori britanik në Iran, akuzohet për nxitje protestash

KOMENTE

SHPERNDAJE
ARTIKULLIN

Text sizeAa Aa

Ambasadori i Mbretërisë së Bashkuar në Teheran u arrestua ditën e shtunë nga autoritetet iraniane, të cilat e mbajtën në gjendje ndalimi për disa orë.

- Advertisement -

Agjencia iraniane e lajmeve “Tasnim” raportoi se diplomati Rob Mekeir u arrestua përpara Universitetit Amir Kabir për nxitje të protestave antiqeveritare.

Duke reaguar, Ministria e Jashtme britanike konfirmoi arrestimin, të cilin e cilësoi një shkelje të ligjit ndërkombëtar.

“Arrestimi i ambasadorit tonë në Teheran, pa asnjë bazë apo shpjegim, është shkelje flagrante e ligjit ndërkombëtar”, – tha sekretari i Jashtëm, Dominik Raab në një deklaratë.

Sipas Londrës zyrtare, diplomati Mekeir po ndiqte ceremoninë në nder të viktimave të avionit ukrainas që u rrëzua nga një raketë ditën e mërkurë.

Sipas variantit zyrtar, ai u largua kur tubimi u kthye në një protestë, por u prangos nën akuzën e ndihmës në organizimin e demonstratave.

Shefi i diplomacisë britanike theksoi se qeveria iraniane ndodhet në udhëkryq, nëse do të vazhdojë me izolimin politiko-ekonomik, ose do të ndërmarrë hapa për çtensionimin e situatës dhe të angazhohet në një shteg të ri diplomatik.

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?