Arsenali nuk ndalet në kampionatin anglez, ku ka fituar ndaj Brentfordit me rezultat 0-3 dhe qëndron në krye të tabelës së klasifikimit. Saliba, Jesus dhe Vieira ishin protagonist të suksesit të radhës për ekipin e Artetës. Sukses kanë arritur poashtu Manchester City dhe Totenhemi.
Të besuarit e Guardiolës nuk e vendosën për asnjë çast në dyshim fitoren, duke mbajtur dhe portën të paprekur. Koreanojugori Son ishte heroi i skuadrës londineze Totenhem duke shënuar një tripletë ndaj Leisterit. Pjesa e parë përfundoi në barazpeshë 2-2, ndërkohë në të dytën u vulos rezultati 6-2.
Javën e ardhshme luhet derbi i Londrës mes Arsenalit dhe Totenhemit.
Union Berlin mund të konsiderohet surpriza e kampionatit gjerman, ku deri më tani nuk ka pësuar asnjë humbje. Skuadra e Fisher udhëheq Bundesligën me 17 pikë. Bayerni po i largohet kreut javë pas jave, ndërkohë që pozita e trajnerit është e lëkundur, ku një rezultat negative ndaj Leverkusenit do të çonte dhe në shkarkim të tij.
Dortmundi është rikthyer tek fitorja, ndërsa Lajpcigu nuk ia doli dot të merrte pikë në fushën e vështirë të Gladbahut.
LEXONI GJITHASHTU: