Efektivët e Komisariatit të Policisë Skrapar kanë bërë të mundur asgjësimin e 1000 fidanëve kanabis të mbjella në fshatin Bërsakë, në Njësinë Administrative Leshnje, në Skrapar.

Fidanët e hashashit, që ishin të lartësisë 4-5 centimetra, ishin kultivuar në një serë të improvizuar në këtë zonë malore nga një 39-vjeçar, i cili pasi pikasi ardhjen e policisë u largua me shpejtësi drejt zonës së pyllëzuar.

Pas asgjësimit të serës së improvizuar me hashash, policia gjeti dhe sekuestroi afër saj një tjetër sipërfaqe toke ku ishin hapur 500 gropa në formë kubike, gati për mbjellje.

Pas evidentimit të autorit, 39-vjeçarit Oltjon Gjoni, policia është vënë në ndjekje të tij, duke e shpallur atë në kërkim.

Aksioni policor, i koduar “Përrenjas”, u finalizua pas informacioneve të sigurta, të siguruara në rrugë operative.

LEXONI GJITHASHTU: 

• Avokati: SPAK dyshon për organizatë kriminale brenda kampit të muxhahedinëve
• Zbardhet hetimi i SPAK për banorët e MEK, rreth 150 pajisje të sekuestruara