Qytetarë dhe biznese janë ankuar për orët e gjata të pritjes në radhë për të kryer pagesa bankare.

Një njoftim i Shoqatës së Bankave thotë se kjo kishte ndodhur vetëm në degët e mëdha, ndërkohë që pagesat e çdo lloji mund të kryhen në të gjitha degët bankare.

Në një bisedë telefonike me Bankën e Shqipërisë, ata u shprehën për Euronews Albania se bankat vazhdojnë të funksionojnë normalisht dhe të kenë likuiditet.

Sa për radhët, Banka Qendrore tha se janë shkaktuar për të ruajtur distancën mes qytetarëve në ambientet e brendshme të degëve, si masë parandaluese ndaj COVID-19.