Për të tretën ditë radhazi, banorët fshatrave afër zonës së Rinasit janë duke protestuar për vendimin e ARRSH-së për lëvizjen e mjeteve me një sens drejtimi drejt aeroportit “Nënë Tereza”.
Mëngjesin e sotëm ata kanë bllokuar rrugën duke u ulur në të. Mes protestuesve ka edhe fëmijë.
Banorët kërkojnë anulimin e vendimit, pasi shprehen se po bëjnë më shumë kilometra rrugë për të shkuar në punë dhe se fëmijët detyrohen të udhëtojnë më gjatë për të shkuar në shkollë.
Lëvizja e makinave drejt aeroportit pas vendimit të ARRSH-së:
Për të shkuar drejt aeroportit të Rinasit, mjetet duhet të ndjekin rrugën Qafë Kashar- Rrethrrotullimi i aeroportit të Rinasit e deri në Ahmetaq.
Ndërsa për t’u kthyer, do të ndjekin rrugën Ahmetaq, Vorë – Qafë Kashar. Për mjetet që vijnë nga veriu për në drejtim të Rinasit, do duhet të ndjekin itinerarin Fushë Krujë – Vorë – Qafë Kashar dhe aeroport.
LEXONI GJITHASHTU: