Zv.kryeministri dhe ministri i Rindërtimit, Arben Ahmetaj në përfundim të mbledhjes së qeverisë deklaroi se Këshilli i Ministrave ka miratuar fonde shtesë për procesin e rindërtimit.

Zv.kryeministri tha se Bashkia Durrës ka kërkuar 16 milionë dollarë fond shtesë, por pa saktësuar nëse kjo kërkesë është plotësuar.

“Vetëm në Durrës bashkia pas vlerësimeve të Institutit të Ndërtimit ka kërkuar edhe 16 milionë dollarë për të mbyllur edhe të gjitha rikonstruksionet”, deklaroi zv.kryeministri.

Ahmetaj tha se procesi i rindërtimit për tërmetin e nëntorit 2019, është në fazë intensive.

Ai nënvizoi se procesi pritet të përmbyllet në vjeshtën e këtij viti, ndërsa në Kombinat nuk ka pasur ritëm si në zona të tjera.