Samiti dy-ditor i BE-së, që synonte një marrëveshje mbi planin afatgjatë financiar të bllokut, është mbyllur pa arritur një marrëveshje konkrete.

“Fatkeqësisht, nuk ishte e mundur të arrinim një marrëveshje”, tha Sharl Mishel, presidenti i Këshillit të Europës, në një konferencë për shtyp të mbajtur pas samitit.

“Vumë re se kemi nevojë për më shumë kohë”, shtoi ai. “E dimë që buxheti europian është temë shumë e vështirë, dhe do të kemi negociata shumë të vështira pas Brexit-it, me boshllëkun prej 60, 75 miliardë eurosh që ka krijuar”, tha presidenti i Kwshillit tw Europws.

“Kemi punuar fort që t’u adresohemi shqetësimeve, interesave dhe opinioneve të tjera në tryezën e debatit”, deklaroi Mishel.