Presidenti i Këshillit Evropian, Charles Michel, ka reaguar në lidhje me vdekjen e Presidentit iranian Ebrahim Raisi dhe ministrit të Jashtëm Hossein Amir-Abdollahian në aksidentin ajror.
Përmes një postimi në rrjetin social “X”, Michel ka shrehur “ngushëllimet e sinqerta” të Bashkimit Evropian për Iranin në lidhje me ngjarjen.
“BE shpreh ngushëllimet e sinqerta për vdekjen e Presidentit Raisi dhe Ministrit të Jashtëm Abdollahian, si dhe anëtarëve të tjerë të delegacionit dhe ekuipazhit të tyre në një aksident me helikopter. Mendimet tona shkojnë te familjet”- shkroi Michel.
Reagimi i shefit të BE-së ka tërhequr kritika të ashpra brenda unionit.
Anëtarja e pavarur e Bundestagut gjerman, Joana Cotar, tha: “Së pari BE merr pjesë në kërkimin për Raisin dhe tani ajo ofron ngushëllime. Një vrasës masiv terrorist ka vdekur, të shtypurit në vendin e tij po festojnë dhe BE-ja po derdh lot. E gjithë kjo është e pabesueshme. Kjo BE duhet të shkojë Ne kemi nevojë për një mënyrë krejtësisht të re për të punuar së bashku!
LEXONI GJITHASHTU:
- Vdekja në aksident e presidentit iranian, reagojnë Kina, Rusia dhe Turqia
- Kush ishte Ebrahim Raisi, presidenti i vijës së ashpër të Iranit
- Zbërthehet kushtetuta iraniane! Kush e zëvendëson presidentin e vdekur?
