Presidenti Bajram Begaj ka zhvilluar ditën e sotme takime me një grup ligjvënësish të Parlamentit britanik.

Sipas njoftimit të Presidencës, në takim u bisedua për marrëdhëniet dypalëshe, rritjen e bashkëpunimit ekonomike dhe situatën në rajon.

Begaj vlerësoi marrëdhëniet e shkëlqyera midis dy vendeve dhe e cilësoi Mbretërinë e Bashkuar si “një avokate të proceseve integruese të Shqipërisë”.

NJOFTIM PËR SHTYP

Presidenti i Republikës së Shqipërisë, Sh.T. Z. Bajram Begaj, priti sot një grup ligjvënësish nga Dhoma e Lordëve dhe Komunëve të Parlamentit britanik, përfaqësues të partive të ndryshme politike.

Në takim u bisedua për marrëdhëniet dypalëshe, rritjen e bashkëpunimit ekonomike dhe situatën në rajon.

Presidenti Begaj vlerësoi marrëdhëniet e shkëlqyera midis dy vendeve dhe e cilësoi Mbretërinë e Bashkuar si “një avokate të proceseve integruese të Shqipërisë”.

Presidenti i Republikës falenderoi  qeverinë britanike për mbështetjen e dhënë në disa qytete në Veri të Shqipërisë përmes projektit “Perspektiva të reja” për të rinjtë dhe bizneset, si dhe paraqiti vizionin e tij mbi të ardhmen për një zhvillim të qëndrueshëm të këtyre zonave.

Presidenti Begaj vlerësoi gjithashtu partneritetin mes dy vendeve në luftën kundër krimit të organizuar, sigurisë dhe çështjet e demokratizimit.

LEXONI GJITHASHTU:

• Presidenti Begaj letër urimi Vjosa Osmanit: Jemi pranë Kosovës, përballë çdo sfide
• Vizita e Blinken në Tiranë, DASH zbulon bisedën e tij me presidentin Begaj