“Bëjmë detyrat në shkollë” ka për qëllim ndihmën e dhënë për nxënësit, pas përfundimit të orëve mësimore.

Së bashku me mësuesit e shkollës përkatëse, ata pas procesit mësimor do konsumojnë ushqimin, më pas do zhvillojnë aktivitete argëtuese dhe më pas do rikthehen në klasë për të bërë detyrat e shtëpisë.

Në shkollën “Kosova” janë rreth 70 nxënës që i janë bashkuar këtij projekti.

“Po bëj detyrat e matematikës, më pëlqen më shumë këtu sepse më ndihmon mësuesja”, thotë një nxënëse.

Megjithatë, mësuesit shprehen se krahasuar me numrin e nxënësve që ka kjo shkollë, fëmijët  e përfshirë janë të paktë.

“Ne aq, tre klasa jemi që praktikojmë projektin. Duhet të jetë dhe më i madh. Ne u bëjmë thirrje prindërve që të tregojnë më tepër interes dhe dëshirë që nxënësit të rrinë të bëjnë detyrat”, thotw Mjaftore Mullaraj, mësuese.

Ndjekja e kurseve private nga nxënësit, është një tjetër problem që mësuesit në shkolla hasin. Ata ngrenë shqetësimin që fëmijëve në kurse private u mungon socializmi dhe mësimi në grup.

Pjesë e projektit, “Bëjmë detyrat e shtëpisë”, në të gjithë vendin, janë 290 shkolla, ndërsa kjo praktikë zhvillohet nga klasa e parë deri në të pestën.

LEXONI GJITHASHTU:

• “Qëndro në shkollë”- Projekti kundër braktisjes së arsimit nga nxënësit
• Dhuna në shkolla ka qenë gjithmonë, por tani po raportohet. Mësuesja tregon shkaqet