Ish-kryeministri Sali Berisha deklaroi se rreth 41 mijë anëtarë të Partisë Demokratike kanë votuar në zgjedhjet për kryetarët e rinj të degëve dhe kjo sipas tij, tregon se anëtarësia është e bashkuar.
Gjatë një konference për shtyp nga selia blu, Berisha u shpreh se në Kuvendin e 30 prillit, Partia Demokratike u gjend e bashkuar.
Ai shtoi se anëtarë dhe drejtues të PD, janë bashkuar me shumicën pas zgjedhjeve të pjesshme lokale të 6 marsit.
“Gjatë procesit për kryetarët e degëve kanë votuar rreth 41 mijë anëtarë. Kurrë nuk ka pasur një pjesëmarrje të tillë. Ky është bashkimi më i madh i demokratëve shqiptarë. 40 mijë anëtarë aktivë janë një ushtri madhështore, e fuqishme, e pathyeshme dhe e pamposhtur. Këto janë të gjitha të dokumentuara. Partia erdhi më 30 prill më e bashkuar se asnjëherë, me qindra dhe mijëra anëtarë, por edhe drejtues të saj, që para 6 marsit nuk ishin në të njëjtin pozicion me shumicën”, tha Berisha.
LEXONI GJITHASHTU
- 7 maji, afati i fundit për paraqitjen e kandidaturave për kryetar të PD-së
- Kryetari i ri i PD-së do të zgjidhet më 22 maj
