Zelimkhan Abakarov, mundësi me origjinë çeçene që përfaqëson Shqipërinë synon një tjetër medalje në Kampionatin Botëror të Mundjes që po zhvillohet në Beograd.
I kontaktuar nga Euronews Albania, trajneri i tij Leonard Çakmashi pohon se objektivat janë të qarta, ndërkohë këtë të diel Abakarov zbret sërish në tapet.
“Jemi të lumtur për rezultatin e arritur, por sigurisht kemi dhe të tjera synime. Sportisti ynë është në gjendje shumë të mirë. Duam një tjetër medalje dhe më pas kualifikimin për në lojërat olimpike”.
Sa i përket ndeshjes së parë Çakmashi pohon se e priste ngjitjen në podium, ndërsa vetë garuesi 28-vjeçar është i lumtur që garon nën ngjyrat kuqezi.
“Duke parë cilësitë e Abakarov-it kisha besimin se do të ngjitej në podium. Ishte i vendosur për të arritur rezultat dhe ia doli. Menjëherë pas fitores më tha se është krenar që garon për flamurin kuqezi. Fitoren ia dedikon familjes së tij, ndërsa falenderon drejtuesit e federatës, presidentin Sahit Prizreni dhe drejtoreshën e klubit Deborah Keçi”, ka pohuar Çakmashi.
Shqipëria ka fituar për herë të parë një medalje ari në mundje.
Zelimkhan Abakarov që përfaqësonte vendin tonë u shpall kampion bote në kategorinë e 57 kg.
LEXONI GJITHASHTU: