Jakov Milatoviç, presidenti i zgjedhur i Malit të Zi në zgjedhjet e 2 prillit, do të betohet sot, duke marrë kështu zyrtarisht pozitën e Presidentit të shtetit malazez.

Milatoviç betimin e tij do ta bëjë në Kuvend, dhe ceremonia e inaugurimit do të fillojë në ora 12:00 në parlamentin e Malit të Zi.

Në këtë pozitë Milatoviç, do ta zëvendësojë veteranin e politikës malazeze, Milo Gjukanoviç, i cili ka qenë një figurë kyçe në tre dekadat e fundit.

Ndërsa, në ceremoninë e inaugurimit të presidentit Milatoviç janë ftuar për të marrë pjesë të gjithë presidentët e rajonit, përfshirë këtu Presidentin e Republikës së Shqipërisë Bajram Begaj edhe presidenten e Kosovës, Vjosa Osmani.

LEXONI GJITHASHTU:

• Mali i Zi dhe SHBA ndërtojnë terminal për importin e gazit të lëngshëm natyror
• Kosova dhe Mali i Zi më afër, Abazoviç: Marrëveshje për shërbimet ajrore