Bandat e krimit kibernetik kanë pësuar një rënie me 40 për qind të fitimeve pasi viktimat e sulmeve të tyre po refuzojnë gjithnjë e më shumë të paguajnë shpërblesën.

Ekspertët deklarojnë se grupet kriminale kibernetike arritën të zhvatnin 457 milionë dollarë nga viktimat në vitin 2022, 311 milionë më pak se në vitin paraardhës.

Shifrat kanë gjasa të jenë më të larta, por ekspertët bien dakord mbi faktin se viktimat nuk po paguajnë më. Por, edhe pse ka pasur një rënie të të ardhurave, kuota e sulmeve është në rritje.

Kompanitë, qeveritë, shkollat dhe madje spitalet në mbarë botën po bien rregullisht viktima të hakerave, të cilët përvetësojnë dhe bllokojnë sistemin derisa të paguhet shpërblesa, që kryesisht bëhet në Bitcoin.

Mes sulmeve të fundit të profilit të lartë spikat ai ndaj gazetës “The Guardian”, Postës Mbretërore britanike dhe një spitali të njohur kanadez për kurimin e fëmijëve.

Piratët informatikë zakonisht kërcënojnë se do të publikojnë ose shesin të dhënat e vjedhura. Shumë grupe kriminale mendohet se e kanë bazën në Rusi, edhe pse zyrtarët rusë mohojnë që vendi të jetë një parajsë e sigurt për to.

LEXONI GJITHASHTU:

• Rama në Forumin e Davosit: Shqipëria ende po përballet me sulm kibernetik
• Sulmi kibernetik, Banka Credins: Llogaritë dhe asetet bankare janë të sigurta