Një 22-vjeçar turk u arrestua në Fier pasi bleu karburant me kartëmonedha të falsifikuara.
Pas kallëzimit të një punonjësi të një pike karburanti në fshatin Çermë e Sipërme, se një shtetas kishte paguar me dollarë falsë për furnizimin e automjetit, Seksioni për Hetimin e Krimeve Ekonomiko-Financiare ndërmori veprimet për identifikimin dhe kapjen e autorit.
“Si rezultat, u kap dhe u arrestua në flagrancë shtetasi B. O., 22 vjeç, banues në Turqi, për veprën penale “Falsifikimi i monedhave”. Gjatë kontrollit të automjetit të marrë me qira nga ky shtetas, u gjet dhe u sekuestrua një kartëmonedhë 100 dollarëshe e dyshuar si e falsifikuar. Materialet procedurale iu kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier për veprime të mëtejshme”, thueht në njoftimin e policisë.
LEXONI GJITHASHTU:
- Goditën me grushte rojen gjatë detyrës, shpallen në kërkim 3 persona në Vlorë
- I dënuar me mbi 8 vite burg në Itali për narkotrafik, arrestohet në Fier 62-vjeçari
