Bora e parë për këtë sezon dimëror ka mbërritur edhe në qarkun e Elbasanit ku disa prej pikave me të larta malore janë zgjuar të zbardhura këtë mëngjes. Funari, Labinoti Mal, Gjinari dhe Fushë-Studen janë prekur nga dëbora e cila ka arritur trashësinë deri në 6 centimetra. Momentalisht nuk shfaqet asnjë problematikë nga këto reshje dëbore”
Këto pamje janë nga Funari dhe Mollagjeshi, terrenet malore që ndodhen jo më larg se 20 km nga Elbasani, të cilat gjatë natës janë përfshirë nga reshjet e borës.
Rrugët janë të kalueshme edhe pa zinxhirë. Dëbora në këto zona i bën ato më interesante për turistët, resurset e kësaj natyre nuk i mungojnë Funarit, por mungesa e investimeve në këto zona ndikon në numrin e ulët të turistëve.
Edhe banorët e zonës janë të pakët, edhe pse në këtë zonë administrative, e cila përshkohet edhe nga 3 përrenj ndodhen 7 fshatra. Shumica e banorëve janë larguar. Dëshmi e kësaj dukurie është ky lokal, I cili është I mbyllur për shkak se nuk ka klientelë.
Terreni i vështirë dhe infrastruktura e amortizuar i privon vizitorët të vizitojnë këtë zonë, edhe pse natyra është mbresëlënëse.
LEXONI GJITHASHTU:
- Moti i keq me reshje shiu dhe dëbore, si paraqitet situata në vend
- Reshje shiu dhe dëbore në qarkun e Korçës, asnjë problem në akset rrugore
