Banka Qendrore Europiane ka rritur normat e interesit përtej parashikimeve, për të parën herë në 11 vite, për të luftuar inflacionin e lartë.

Kjo lëvizje ngre dyshime nëse shtrenjtimi i kredive do të zhysë ekonomitë e mëdha në recesion, me koston e lehtësimit të çmimeve për personat që paguajnë më shumë për ushqim, karburante dhe produkte të tjera.

Rritja me 0.5 pikë përqindje për vendet e eurozonës pritet të pasohet nga një tjetër rritje me të njëjtën vlerë në shtator.

Presidentja e bankës, Christine Lagarde e kishte paralajmëruar diçka të tillë muajin e kaluar.

Banka Qendrore Europiane rriti normën bazë të interesit për monedhën europiane me 0,5%. Rritja që u krye për të ndalur inflacionin është e para që prej vitit 2011

Euro u rrit me 0,8% duke u shkëmbyer me 1,0261 dollarë nga 1,0198 dollarë që këmbehej përpara deklaratës së BQE-së.