Supersfida mes Chelseas dhe Manchester United nuk ka zhgënjyer në kampionatin anglez, me dy skuadrat të cilat dhuruan spektakël, ndërsa në total u shënuan 7 gola. Ishin blutë e Londrës ata të cilët morën 3 pikët, pas një përmbysje në limite, duke dërguar sfidën në shifrat 4-3. Callagher zhbllokoi rezultatin shumë shpejt, më tej Palmer dyfishoi. Garnacho e Fernandes rikthyen ekuilibrat në fraksionin e parë, ndërsa në të dytin sërish Garnacho ktheu rezultatin në favor të djajve të kuq, të cilët gjetën avantazhin për herë të parë.
Një penallti në minutën e 10 të shtesës u kthye në gol nga Palmer, me yllin britanik që më pas shënoi dhe golin e 4, për një përmbysje spektakolare këtë sezon. Skuadra e Pochettino ngjitet në vendin e 10, ndërsa Manchester United qëndron në të gjashtin.
Në përballjen tjetër Liverpool mposhti Sheffieldin dhe mori kreun e klasifikimit. Të kuqtë e Klopp gjetën avantazhin me Nunez, ndërsa autogoli i Bradley riktheu barazpeshën. Në pjesën e dytë Mcallister e Gakpo vulosën triumfin 3-1, me Liverpool që merr kështu fitoren numër 21 në ligë. Në vendin e dyttë qëndron Arsenal e në të tretin Manchester City.
LEXONI GJITHASHTU:
- Bayern mposhtet në “Allianz Arena”, çfarë po ndodh në Bundesligë
- Gjeorgjia thyen Greqinë, kualifikim historik në Europian. Kompletohet Euro 2024
