English

Coronavirus mbërrin në Shqipëri, konfirmohen dy raste të pasagjerëve të ardhur nga Italia

KOMENTE

SHPERNDAJE
ARTIKULLIN

Text sizeAa Aa

Ministria e Shëndetësisë lajmëroi në orët e para të mëngjesit të së hënës se COVID-19 ka mbërritur në Shqipëri, përmes dy të prekurve që kanë udhëtuar nga Firence në Tiranë.

- Advertisement -

Sipas ministrisë gjendja e babait dhe djalit të prekur nga Tirana,të dy në moshë madhore, paraqitet e qëndrueshme dhe pa komplikacione.

“Strukturat tona të urgjencës kombëtare dhe ISHP janë duke ndjekur protokollin klinik dhe epidemiologjik për të dy rastet,” thuhet në lajmërimin e MSHMS.

Institucioni gjithashtu i bëri thirrje qytetarëve që kanë udhëtuar nga vende të prekura dhe ndjejnë simptoma të ngjashme me gripin, të telefonojnë në nr. 127 për të marrë kujdes shëndetësor.

Që nga përhapja e coronavirus, Shqipëria ka testuar të paktën 58 persona të dyshuar, por asnjëri prej tyre nuk rezultoi i infektuar deri më 8 mars.

Më herët ekspertët e shëndetit në vend kanë lajmëruar se janë përgatitur për të përballur situatën shëndetësore të COVID-19. Mbi një milion maska janë shpërndarë për personelin mjekësor, ndërsa karantina për të prekurit është planifikuar në Shtëpinë e Pushimeve të Ushtarakëve në Durrës. 

Autoritetet kanë nxitur personat e kthyer nga Italia të vetëizolohen për dy javë për të shmangur përhapjen e virusit, i cili në shtetin fqinj ka shkaktuar 366 viktima dhe ka infektuar 7,375 persona.

Shifrat e mësipërme e bëjnë Italinë vendin e dytë me më shumë të infektuar jashtë Kinës, nga ku coronavirus ka zanafillën.

Kryeministri italian Giuseppe Conte lajmëroi se shkollat, muzetë, palestrat, lokalet dhe hapësirat e tjera publike në të gjithë vendin duhet të mbyllen deri më 3 prill.    

 

Lexoni gjithashtu

Conte firmos dekretin për coronavirusin, 16 milionë njerëz në karantinë deri më 3 prill 

Strategjia për të luftuar COVID-19, OBSH-ja njofton planin e kërkim-zhvillimit

Përditësimet e fundit me situatën e coronavirusit

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?