Presidenti i Kosovës, Hashim Thaçi u ka bërë thirrje të gjithë qytetarëve të Kosovës, që t’i ndjekin me përpikëri instruksionet e dhëna nga institucionet tona përgjegjëse.
Postimi i Thaçit në Facebook:
“Të nderuar qytetarë, Më herët u njoftova nga institucionet e vendit se tashmë janë konfirmuar rastet e para me virusin COVID19 në Kosovë. U bëj thirrje të gjithë qytetarëve të Kosovës, që t’i ndjekin me përpikëri instruksionet e dhëna nga institucionet tona përgjegjëse. Kërkoj nga ju që ta menaxhojmë edhe këtë situatë pa panik, në koordinim dhe me kujdes të shtuar për njëri-tjetrin. Ne, së bashku, do t’ia dalim!”
Më herët, ministri i Shëndetësisë, Arben Vitia i shoqëruar nga kryeministri Albin Kurti, në një konferencë të jashtëzakonshme për medie, kanë konfirmuar paraqitjen e dy rasteve me koronavirus në Kosovë.
Ministri Vitia tha se pacientët e konfirmuar pozitiv gjenden të shtrirë në Klinikën Infektive të QKUK-së dhe gjendja shëndetësore e tyre rezulton të jetë e qëndrueshme.
Lexoni gjithashtu
Kosova konfirmon dy rastet e para me coronavirus
Kosova merr masa drastike kundër COVID-19, mbyll shkollat dhe kufizon transportin
Kosova shtrëngon masat për parandalimin e COVID-19
