Drejtoria e Përgjithshme e Shërbimeve të Transportit Rrugor ka publikuar një masë lehtësuese për qytetarët që shkojnë në punë me makinën e tyre.
Sipas këtij institucioni, në rastet kur qytetarët nuk kanë transport nga firmat ku punojnë dhe iu duhet të lëvizin me makinën e tyre në oraret e caktuara nga strukturat shtetërore, ata duhet të vetëdeklarojnë online për qarkullimin në mëngjes ora 06:00-08:00 dhe pasdite nga ora 16:00-17:00.
Kjo masë lehtësuese sipas DPSHTRR-së shërben vetëm për qytetarët që lëvizin për punë. Gjithashtu zgjidhja është menduar edhe për lëvizjet jashtë këtij orari, por paraprakisht duhet të merret një autorizim i veçantë nga organet e Policisë së Shtetit.
Masa shtrënguese për luftimi e COVID-19 janë aplikuar edhe për këmbësorët që do lëvizin pas orës 18:00 në të gjithë Shqipërinë. Sipas urdhrit të ministrisë së Shëndetësisë, kush e thyen masën do të gjobitet deri në 10 mijë lekë të reja.
Detajet i gjeni duke klikuar këtu
