Danimarka do të asgjesojë 1,1 milion vaksina kundër koronavirusit. Lajmi u bë i ditur nga autoritetet shëndetësore në vend, të cilët thanë se po afrohej data e skadencës dhe se kishin dështuar përpjekjet për t’ia dhuruar shteteve në zhvillim.
Instituti Statens Serum, një agjenci qeveritare që harton polikat ndaj Covid-19 deklaroi se pandemia në vendin skandinav është nën kontroll.
Gjithashtu, Danimarka ka mjaftueshëm vaskina për popullsinë e saj, shkruan The Washington Post.
Rreth 81% e popullsisë së Danimarkës prej 5.8 milionë banorësh ka marrë dy doza të vaksinës kundër koronavirusit, ndërsa gati 62% kanë marrë vetëm një dozë. Sipas agjencisë, Danimarka, si shumica e vendeve në mbarë botën ka një tepricë të vaksinave.
Në një raport të publikuar pak ditë më parë, Komisioni Europian deklaroi se 60-80% e popullsisë në vendet e BE-së u infektua me Covid-19.
LEXONI GJITHASHTU
- Italia e Greqia lehtësojnë kufizimet COVID në prag të sezonit turistik
- Deri në 80% e popullsisë në vendet e BE-së u infektua me COVID
