Shtetet e Bashkuara të Amerikës përgëzojnë vendimin e qeverisë shqiptare për të dëbuar dy diplomatët iranianë.

Zëdhënësja e Departamentit amerikan të shtetit, në një postim në “twitter’ shprehet se regjimi i Iranit vijon që të përdorë selitë diplomatike si mbulesë për të kryer akte terroriste si dhe të kërcënojë muxhahedinët.

Në dhjetor të vitit 2018-të, Shqipëria dëboi ambasadorin e Iranit në vendin tonë, Gholamhossein Mohammadnia, për cenim të sigurisë kombëtare. Po ashtu u dëbua dhe u shpall “non grata” edhe një diplomat tjetër i ambasadës iraniane.