Deputetët e opozitës nuk janë lejuar të futen brenda në Parlament, pasi ata janë përjashtuar për shkak të trazirave të shkaktuara në seancën e fundit plenare.
- Advertisement -
Nënkryetari i Kuvendit, Agron Gjekmarkaj, tha ndërsa tentonin të hynin në Kuvend nga dera e pasme, se në Shqipëri tashmë nuk ka një shtet. Ai tha se opozita do të përpiqet me të gjitha mjetet e demokratike që të bëjnë ndryshimin.
“Këtu nuk ka më shtet. Këtu ka një parti që pretendon se është edhe shtet. Kjo është shumë e qartë. Ne do rezistojmë e do bëjmë gjithçka që mundet të bëjmë, pa denatyruar vetveten, pa dalë jashtë logjikës demokratike, por duke shkuar te mosbindja civile. Çdo mundësi që na lë ndërgjegjja për ti shërbyer këtij vendi ne do e zbatojmë”,-tha Agron Gjekmarkaj
