Kosova vazhdon të kontribuojë për të prekurit nga tërmeti. Në ditën e Krishtlindjes dhe në prag të ndërrimit të viteve, tifogrupi ‘Plisat’ nga Prishtina do të nisen drejt Durrësit me më shumë se 500 dhurata për fëmijët.

Ky tifogrup çdo fundvit shpërndan mijëra dhurata për kategori të veçanta të fëmijëve në të gjithë Kosovën. 

Kushtrim Ramadani, përfaqësues i tifogrupit ‘Plisat’, tha se të prekur nga tragjedia që goditi Shqipërinë, këtë vit, listës iu shtuan edhe fëmijët nga Durrësi.