Policia e Kosovës ka bërë të ditur se në orët e para të së premtes janë djegur tri makina me targa RKS, Republika e Kosovës, të cilat u përkasin banorëve të nacionalitetit serb në veri.

Sipas Policisë, një veturë është djegur në Zveçan dhe dy të tjera në Mitrovicë të Veriut.

Tre makina me targa RKS, në pronësi të serbëve lokalë janë djegur edhe më 30 mars.

“Sikurse edhe në rastin e parë, edhe në rastin e dytë, pas pranimit të informacioneve, njësitet policore menjëherë kanë dalë në vendin e ngjarjes duke angazhuar njësitë kompetente policore, përfshirë forenzikën, të cilat kanë ndërmarrë të gjitha veprimet e nevojshme hetimore”, është thënë në komunikatën e Policisë.

LEXONI GJITHASHTU:

• Digjen 2 makina me targa RKS në Zubin Potok
• Haradinaj pritet të bëhet president i Kosovës? Eksperti zbulon planin e SHBA-së