“Na pret një vit i mrekullueshëm!”
Kjo fjali kaq e thjeshtë dhe kaq e ëmbël e shkruar nga mësuesja e klasës së katërt, Eva Mireles nuk ka më kuptim.
Të enjten, ditën e fundit të shkollës, ajo dhe mësuesja tjetër Irma Garcia duhet të përshëndeteshin me klasën e tyre të përbashkët në Robb Elementary në Teksas dhe të përgatiteshin për pushimet verore.
Në vend të kësaj, familjet e tyre po ju bëjnë funeralin e dy kolegeve që u qëlluan për vdekje në po të njëjtin vend ku humbën jetën dhe 19 nga vogëlushët që ju jepnin mësim.
Në ditët që pas sulmit të së martës, trimëria Garcias dhe Mireles është vlerësuar pasi ato janë parë duke mbrojtur nxënësit e tyre nga plumbat.
Garcia u gjet nga oficerët “duke përqafuar fëmijët deri në frymën e fundit”, tha nipi i saj John Martinez për New York Times.
“Ajo sakrifikoi veten duke mbrojtur fëmijët në klasën e saj. Ajo ishte një heroinë,” – u shpreh ai.
Ndërkohë Maggie, motra e Mireles shkroi se “Eva është me të vërtetë përkufizimi i një heroine. Ajo la mënjanë frikën e saj për të mbrojtur nxënësit atë ditë.”
Është e ligjshme të blesh një armë në moshën 18 vjeç në Teksas, dhe sipas mediave amerikane, sulmuesi bleu të tijën, dy pushkë gjysmë automatike të stilit AR-15 dhe 375 fishekë, javën e kaluar, një ditë pas ditëlindjes së tij.
“Jam e tmerruar. Pushkët nuk duhet të jenë lehtësisht të disponueshme për të gjithë,” – tha tezja e Eva Mireles, Lydia Martinez Delgado në një deklaratë.
Të paktën 185 fëmijë, edukatorë dhe njerëz të tjerë janë vrarë në sulmet në shkollat amerikane që nga masakra e vitit 1999 në Columbine High, sipas të dhënave nga Washington Post.
LEXONI GJITHASHTU: