Një person është arrestuar këtë të premte nga policia e Kosovës në Gurrakoc të Istogut, pasi dyshohet se ka ngacmuar një vajzë 9 vjeç.
Sipas policisëm personi në fjalë është nga një fshat i Istogut dhe dyshohet se përmes rrjetit social, ka kontaktuar me të miturën.
“Gjatë atyre bisedave me video, i dyshuari dyshohet se ka kryer veprën penale ‘keqpërdorim i fëmijëve në pornografi. I dyshuari është arrestuar sot, më 02.09.2022, dhe si provë materiale është konfiskuar një telefon celular. Pas intervistimit, me aktvendim nga prokurori, i dyshuari është dërguar në ndalim policor”, thuhet në njoftimin e policisë.
Kanë qenë prindërit e vajzës ata që kanë denoncuar rastin pak ditë më parë pasi që i dyshuari vazhdimisht ka ngacmuar vajzën e tyre të mitur.
LEXONI GJITHASHTU
- Përdhunimi i 11-vjeçares, banori i zonës: S’i njoh autorët, të frikësuar për fëmijët
- 11-vjeçarja u përdhunua në një park lojërash, detaje nga ngjarja tronditëse
