Eksperti i sigurisë, Drizan Shala thotë se shtetasja ruse, Daria Asmalova është e përfshirë në një rrjet më të gjërë spiunazhi, që përfshin të gjitha vendet e rajonit të Ballkanit.
Në një intervistë për “Euronews Albania”, Shala u shpreh se vendimi për ta shpallur Asmalovan të padëshirueshëm në Kosovë, është bazuar edhe në informacionet e marra në bashkëpunim si organe me CIA-n, por edhe shtete të ndryshme.
“Vendimi bazohet në faktin se ky person ka lidhje të ngushta me strukturat inkriminuese dhe inteligjente të shtetit të Rusisë dhe operon si spiune e saj në territorin e Ballkanit Perëndimor, por ka pasur mision të caktuar qoftë në Siri, qoftë në Ukrainë.
Bazuar në atë që ministri i Punëve të Brendshme ka marrë një vendim që personi në fjalë t’i ndalohej hyrja në Kosovë për pesë vitet e ardhshme, kjo jep bazën që ministri ka kontaktuar me vende të tjera të sigurisë, të cilat kanë synim mbledhjen e informacioneve në arenën ndërkombëtare. Ka mundur t’i marrë këto informacione përmes organeve të Republikës së Kosovës që ka bashkëpunim me CIA-n ose me organe të tjera që e kanë pasur nën hetim këtë person”, theksoi ai.
Kosova ka shpallur person të padëshirueshëm shtetasen ruse, Daria Asmalovan për të cilën shumë shtete kanë vërtetuar se ajo ka qenë e angazhuar në spiunazh për inteligjencën ushtarake të Rusisë.
Lajmi është bërë i ditur këtë të dielë nga ministri i Punëve të Brendshme në Kosovë, Xhelal Sveçla. Ai nënvizoi se Asmalovas i është ndaluar për 5 vite hyrja në territorin e Republikës së Kosovës.
Një ditë më parë, shtetasja ruse është ndaluar në pikën kufitare në veri të Kosovës dhe më pas është arrestuar nga policia.
Ndalimi i saj, u bë në të njëjtën ditë pasi njësia për mbikëqyrjen e kufirit në Zubin Potok është sulmuar 10 herë me armë zjarri teksa ka qenë duke vendosur një barkë patrulluese në Liqenin e Ujmanit.
LEXONI GJITHASHTU
- Kosova shpall person të padëshirueshëm shtetasen ruse të akuzuar për spiunazh
- Kosova i ndalon hyrjen shtetases ruse të akuzuar për spiunazh
- Kryeministri Kurti reagon pas sulmit me armë ndaj policisë në veri të Kosovës