Eksportet e frutave, perimeve dhe zarzavateve shënuan rritje vitin që shkoi me mbi 10 për qind.

Sipas të dhënave të INSTAT-it mbi tregtinë e jashtme mësohet se gjatë vitit 2019 Shqipëria eksportoi fruta dhe zarzavate në një vlerë më të madhe se ato që importoi.

Sipas të dhënave nga tregu rritja e shitjeve erdhi si pasojë e një sezoni më të mbarë prodhimi sidomos nga kushtet me të favorshme të motit.

 Shkak për këtë rritje janë gjithashtu edhe faktorët gjeografikë të cilët mundësojnë prodhimin më të hershëm të frutave dhe perimeve nga vendi ynë krahasuar me vendet e tjera të rajonit.

 Por me gjithë këtë rritje, Shqipëria mbetet e fundit në rajon për volumin e prodhimeve bujqësore dhe ende mbetet një vend që ende importon fruta dhe perime për nevoja të konsumit të brendshëm.