Policia ka finalizuar operacionin e koduar “Operacionalja 38”, duke vënë në pranga një 24-vjeçar të shpallur në kërkim ndërkombëtar nga autoritetet italiane.

Erbin Nazeraj u kap në fshatin Cakran të Fierit dhe pritet të ekstradohet drejt Italisë, ku është dënuar me 6 vite burg nga Gjykata e Apelit në Gjenova, për krime seksuale, dhunë dhe vjedhje.

Njoftimi i policisë

“Finalizohet nga Drejtoria e Forcës së Posaçme Operacionale, operacioni policor i koduar “Operacionalja 38”.

I dënuar nga Gjykata e Apelit në Gjenova, me 6 vjet burgim, për krime seksuale, krime kundër personit dhe krime kundër pasurisë, kapet në fshatin Cakran, 24-vjeçari.

Si rezultat i koordinimit të punës dhe shkëmbimit të informacioneve, me partnerët italianë, nëpermjet strukturave homologe Interpol Tirana dhe Interpol Roma, shërbimet e Drejtorisë së Forcës së Posaçme Operacionale, në kuadër të operacionit “Operacionalja 38”, lokalizuan në fshatin Cakran, Fier, kapën dhe vunë në pranga, me qëllim ekstradimin në Itali, shtetasin Erbin Nazeraj, 24 vjeç.

Ai ishte në kërkim ndërkombëtar, sepse Gjykata e Apelit në Gjenova, në vitin 2024, e ka dënuar me 6 vjet burgim, për marrëdhënie seksuale me dhunë, për keqtrajtim dhe për vjedhje.

Interpol Tirana po bashkëpunon me homologët në Romë, për të finalizuar ekstradimin e këtij shtetasi, në Itali”, thuhet në njoftimin e policisë.

LEXONI GJITHASHTU:

• Dhunuan agjentët e BKH, Gjykata lë në burg njerëzit e Agron Kapllanajt
• Zbardhet atentati me armë zjarri ndaj nënë e bir në Fier, arrestohet autori