Policia e Tiranës ka arrestuar një të ri i cili qarkullonte i armatosur me pistoletë dhe tentoi të largohej me automjet, kur u lokalizua nga shërbimet e Policisë.
Në kuadër të operacionit policor të koduar “Golden Gun” u vu në pranga shtetasi Alger Tarko, 19 vjeç, banues në Zall Mner.
“Gjatë operacionit, në Kamëz, shërbimet e Policisë kanë lokalizuar automjetin me të cilin qarkullonte shtetasi A. T. dhe i kanë bërë shenjë ndalimi. Ai nuk është bindur urdhrit të punonjësve të Policisë dhe ka tentuar të largohet me shpejtësi, por si rezultat i veprimeve të shpejta policore është kapur dhe vënë në pranga. Gjatë kontrollit në automjetin e 19-vjeçarit, shërbimet e Policisë gjetën 1 armë zjarri pistoletë dhe municion, të cilat u sekuestruan në cilësinë e provës materiale, bashkë me automjetin”, bën me dije policia.
Materialet procedurale iu referuan Prokurorisë së Tiranës, për veprime të mëtejshme.
LEXONI GJITHASHTU:
- EMRI| Vrasje me armë zjarri në Has, arrestohet autori
- Goditi me gur, xhamin e një bankomati, identifikohet dhe arrestohet 50-vjeçari