Policia e Tiranës ka arrestuar Muharrem Petin, 34 vjeç, banues në Bulqizë, i cili dyshohet se në gjendje të dehur qëlloi me armë zjarri në ajër nga automjeti i tij dhe më pas e hodhi armën në një lumë në zonën e Laknasit.

Ngjarja ndodhi pas mesnatës në rrugën “Xhorxh Bush”, ku sipas policisë, 34-vjeçari ka përdorur një pistoletë për të qwlluar disa herë në ajër. Fatmirësisht, nga të shtënat nuk ka pasur dëmtime.

Shërbimet e Komisariatit të Policisë Nr. 5 reaguan menjëherë pas marrjes së njoftimit, duke organizuar një operacion të shpejtë që çoi në kapjen dhe arrestimin e autorit të dyshuar. Automjeti i përdorur nga Muharrem Peti  është sekuestruar në cilësinë e provës materiale, ndërsa vijojnë kërkimet për gjetjen e armës së zjarrit të hedhur në lumë.

Materialet procedurale i kaluan Prokurorisë, për veprime të mëtejshme.

LEXONI GJITHASHTU:

• 3 mijë € për të favorizuar një të pandehur, arrestohet oficeri i policisë gjyqësore
• Shpërndante foto intime të një të miture në rrjete sociale, arrestohet 20-vjeçari