Policia e Kavajës arrestoi sot administratorin e pjesës së plazhit të Vilë-Bashtovës, në Gosë, Rrogozhinë, ku një ditë më parë humbën jetën nga mbytja në det 3 persona babë e bir.
Në pranga u vu shtetasi Pëllumb Nika, 34 vjeç nga Tirana administrator i operatorit turistik që kishte marrë me qira nga bashkia Rrogozhinë, pjesën e plazhit të Vilë-Bashtovës, ku ndodhi kjo ngjarje.
Përmes një njoftimi zyrtar policia tha se arrestimi i 34-vjeçarit u bë pasi nga veprimet hetimore të kryera në terren ka rezultuar se ky shtetas, në cilësinë e administratorit të parcelës së plazhit të marrë me qira nga bashkia Rrogozhinë, nuk kishte plotësuar kushtet e sigurisë sipas kontratës së lidhur mes operatorit ekonomik dhe Agjencisë Kombëtare të Bregdetit (kontratë e miratuar nga Ministria e Turizmit), dhe për pasojë janë mbytur në det, shtetasit E. H., 50 vjeç, R. H., 17 vjeç dhe M. H., 13 vjeç, banues në Tiranë.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
Për të ndjekur kanalin e youtube të Euronews Albania KLIKO KËTU!
LEXONI GJITHASHTU:
- “Infermierët erdhën pa barelë”, dëshmia e tragjedisë në Kavajë: I ndihmuan pushuesit
- “Ambulanca u vonua”| Tragjedia me 3 viktima në Kavajë, reagon kreu i Urgjencës