Së fundmi janë publikuar mesazhet e fundit që Liam Payne ka shkëmbyer me miken e tij të ngushtë disa orë para vdekjes së tij.
Jodie Richards i jepte mësim ish- anëtarit të “One Direction” në kompaninë e saj të arteve interpretuese.
Payne i kishte dërguar mesazh Jodie të hënën për ta pyetur atë se çfarë po bënte.
Ajo u përgjigj duke thënë se ishte me djalin e saj, Jackson, në një palestër, dhe ai u përgjigj “mirë”.
Artisti më vonë i dërgoi asaj një foto të tij të ulur në s në dhomën e tij të hotelit në kryeqytetin argjentinas, Buenos Aires.
Pasi ajo mori lajmin për vdekjen e Payne, i dërgoi atij mesazh.
“Të lutem më thuaj që kjo nuk është e vërtetë dhe kur të zgjohem, jam i sigurt se gjithçka do të jetë një ëndërr”.
Të mërkurën, kantautori ra nga kati i tretë i dhomës së tij të hotelit në Hotel në Agjentinë.
Policia tha në një deklaratë se rënia e Payne rezultoi në “lëndime jashtëzakonisht të rënda”, me mjekët që konfirmuan vdekjen e tij në vend.
Sipas mediave të huaja, policët shkuan në hotel pasi morën një thirrje anonime se një burrë agresiv mund të ishte nën ndikimin e drogës dhe alkoolit.
Ndërsa kreu i sistemit mjekësor të urgjencës shtetërore ka bërë me dije se Payne ra 13 ose 14 metra dhe “pësoi lëndime të rënda që provokuan vdekjen e tij të menjëhershme”.
Autoritetet po hetojnë rrethanat rreth vdekjes së artistit dhe se po kryhet një autopsi.
LEXONI GJITHASHTU:
- Pak momente para se Payne humbi jetën, ja transkripti i telefonatës me policinë
- Ylli i One Direction humb jetën në moshën 31-vjeçare, ra nga kati i tretë
