Eurodeputeti Fredi Beleri është paraqitur këtë të martë në Gjykatën e Tiranës, ku ka kallëzuar për shpifje ish-drejtorin e Arkivave, Ardit Bido.

Seanca aktualisht ndodhet në fazën përgatitore, ndërsa avokati i Belerit deklaroi se eurodeputeti vendosi të marrë pjesë personalisht, duke qenë se ndodhej në Tiranë.

Në seancën e pajtimit, Beleri nuk e tërhoqi denoncimin e tij dhe i është hapur rruga gjykimit të çështjes. Nga ana tjetër, Ardit Bido ka pranuar mundësinë e pajtimit, por ka refuzuar të tërhiqet nga deklaratat e tij publike, të cilat Beleri i konsideron si shpifje.

Në padinë e tij, Beleri ka pretenduar se Bido ka shpifur duke përfshirë emrin e tij në masakrën e Peshkëpisë dhe duke e lidhur atë me grupime ultra-nacionaliste greke. Jashtë gjykatës, Bido ka deklaruar disa muaj më parë se deklaratat e tij ishin të mbështetura nga fakte të pohuara nga studiues grekë.

Pas padisë Bido ka reaguar gjithashtu me një video-mesazh të shpërndarë në rrjetin social Facebook. Sipas tij, padia e eurodeputetit Beleri, vjen si një sulm pasi u mësua se Ardit Bido do të kandidojë si depuet nën logon e Partisë Socialiste.

“E vërteta nuk ka frikë nga fushatat

Fredi Beleri ishte “zhdukur” nga Tirana prej rreth 1 viti e gjysmë. Gjatë gjithë kësaj kohe, nuk është paraqitur në asnjë seancë gjyqësore – as për padinë që i kam bërë unë për shpifje, as për atë që ka bërë ai ndaj meje.

LEXONI GJITHASHTU:

• A duhet të hiqet ligji luftës i Greqisë? Përgjigjet Fredi Beleri
• Beleri: Do jap dorëheqjen si eurodeputet dhe do kandidoj për bashkinë Himarë