I nxehti përfshin Evropën, temperaturat arrijnë deri në 40 gradë celsius

KOMENTE

SHPERNDAJE
ARTIKULLIN

Text sizeAa Aa

Gjatë kësaj fundjave evropianet do të duhet të gjejnë një mënyrë për t’u freskuar pasi temperaturat do të rriten në të gjithë kontinentin deri në 40 gradë celsius.

Në Francë, paralajmërohet për goditje nga i nxehti dhe këshillohet që të konsumohen sa më shumë lëngje dhe të qëndrohet në vende të freskëta.

Këta qytetare në Bordeaux po gjejnë mënyra sesi t’i shpëtojnë valës së të nxehtit.

“Ne vizituam qytetin për një kohë dhe pastaj erdhën këtu për t’u qetësuar pak, sepse në rrugë, është e vështirë të qëndrosh”, thotë Xavier, një turist nga Lioni.

Kjo është vala e parë e nxehtësisë për këtë verë që përfshin edhe Spanjën me temperature që në qytetin Bask do të arrijnë deri në 41 gradë. Zona e Bilbao është vendosur në një alarm të kuq dhe edhe në Madrid pritet që temperatura të shkojë 40 gradë celsius, çka është e pazakontë. Qytetarët bëhen gati se si të përballojnë këto ditë.

 “Unë po shkoj në shtëpi për t’u shtrirë dhe do të pi shumë ujë”, thotë Elena Martinez, 58 vjeçe.

Ndërkohë edhe  në Bosnje, në Mostar, këtë të enjte në hije temperatura arriti në 41 gradë celsius duke shënuar ditën më të nxehtë të vitit.

“Ata na thanë se është alarmi i kuq për valën e nxehtësisë. Thonë se është 40 gradë, por betohem duhet të jetë më shumë se kaq. Gjithmonë shprehen se është më ftohtë, sepse matin temperaturën në hije, si një milje larg nga këtu. Në diell, është shumë më nxehtë”, thotë Sefkija Bitic, guidë turistike nga Mostar.

Vala e të nxehtit do të vijojë edhe gjatë kësaj fundjave në shumë shtete, ndërsa duke nisur nga e hëna pritet të bjerë intensiteti i temperaturave të larta.


Etiketimet

81% apo 92%? Ish-ministrja debaton me zv.kryetaren e PD për borxhin publik

Ish-ministrja e Financave, Anila Denaj thotë se niveli i borxhit publik është 80.1% dhe jo 84% siç deklaron Presidenti. Deputetja e PS tha se në...

Banorët e 5 Majit: Të prishen banesat kur të zgjidhet strehimi

Banorët e lagjes 5 Maji kërkojnë të mos prishen banesat derisa të bëhet marrëveshja me bashkinë. Sipas tyre puna e IKMT-së duhet të pezullohet derisa...

Një zë i ri në vend të Kadaresë për çmimin Nobel

Akademia e Shkencave prej vitesh propozon të njëjtin emër si kandidat për çmimin Nobel të letërsisë, Ismail Kadarenë. Por Kadare nuk është shkrimtari i vetëm...

Regjistrohu për të marrë NEWSLETTER