Qeveritë evropiane të vendosura ta bëjnë me detyrim vaksinimin

KOMENTE

SHPERNDAJE
ARTIKULLIN

Text sizeAa Aa

Gjermania synon ta bëjë të detyrueshme vaksinimin për të gjithë të rriturit, pas rritjes së infektimeve me variantin Omicron.  Kancelari Olaf Scholz kërkoi nga ligjvënësit që ky projektligj  të votohet në muajin mars.

“Raportohet për 80 mijë të infektuar dhe shifrat do të rriten. Kjo është arsyeja përse duhet të vijojmë më tej dhe unë mbështes idenë që vaksina në Gjermani të bëhet e detyrueshme për të rriturit. Unë e përsëris se vendimi për të mos u vaksinuar nuk është vendim vetjak, por i takon 80 milionë njerëzve në Gjermani”, u shpreh kancelari.

Ligjvënësit nga Alternativa për Gjermaninë e ekstremit të djathtë e kritikuan Scholz-in mbi planet e qeverisë së tij, duke thënë po përçahet shoqëria gjermane dhe  ata mbanin në duar pankarta ku lexohej “liri në vend të përcarjes”.

Nga 15 janari, qytetarët që shkojnë në restorante, kafene dhe bare të Gjermanisë do të duhet të paraqesin një test negativ përveç provës së vaksinimit ose shërimit nga COVID-19.

Qeveritë europiane janë të vendosura të ndëshkojnë të pavaksinuarit.

Nga e diela e 16 janarit qytetarët grekë mbi moshën 60 vjeç kanë afatin e fundit për t’u vaksinuar ose rrezikojnë të gjobiten me 100 euro për çdo muaj.

Ndërkohë, qeveria lëshoi një urdhër urgjent duke detyruar disa mjekë privatë të mbështesin shërbimin shëndetësor shtetëror. Që nga 3 janari, në shtetin fqinj janë rikthyer maskat në supermarkete dhe në transportin publik, ndërsa vendet e argëtimit duhet të mbyllen në mesnatë.

Pavarësisht protestave edhe parlamenti në Francë kaloi ligjin që për të hyrë në eventet publike duhet të jesh i vaksinuar ose i shëruar.

Italia po ashtu po tregohet më e ashpër me të pavaksinuarit, pasi u kërkon qytetarëve të pavaksinuar të BE-së të karantinohen për pesë ditë nëse hyjnë në vend, të painjektuarit  nuk lejohen as me test negativ në ambientet publike.

LINI NJE KOMENT

Please enter your comment!
Please enter your name here


Etiketimet

Numër i lartë infektimesh në Kosovë

Në Kosovë janë raportuar katër persona të vdekur dhe 3,617 raste të reja të infektimit me COVID-19, bën të ditur Ministria e Shëndetësisë. Këto raste...

PS pritet të zyrtarizojë kandidatët për kryetarë në 6 bashki

Partia Socialiste do të mbledhë të premte kryesinë, ku pritet të zyrtarizohen kandidatët që do të garojnë në zgjedhjet e pjesshme lokale në 6...

Regjistrohu për të marrë NEWSLETTER